Radio Himilo
Kooxaha kubadda cagta Jeenyo iyo Elman ayaa kulan cayaareed ka tirsan horyaalka kubadda cagta Soomaaliya heerkiisa koowaad ku wada cayaaray gegada Banaadir Stadium.
Qeybtii hore ee cayaarta dhowr fursadood oo halis ah ayay labada kooxood isku heleen, hayeeshee midkoodna goolka ma aanay gaarin.
Qeybtii labaad markii la isku soo laabtay cayaartoyda Jeenyo ee Feysal iyo Xasaasi ayay fursado goolal loo fishay soo mareen.
Qeybii danbe Elman ayaa u muuqaneysay mid daafac ku ururtay oo fursado yar oo rogaal celis ah dhowraneysay.
Cayaarta waxaa maamulaneysay kooxda Jeenyo oo kubaddeedu ay dhimaneysay halkii dhameystir wacan ay ka heli laheyd.
Kulan cayaareedka ayaana ku soo idlaaday barbaro goolal la’aan ah oo dhibcaha ay labada kooxood ku wadaageen.
