Radio Himilo
Luis Enrique maareeyaha kooxda Barcelona ayaa ka dalbaday taageerayaasha kooxdiisu inay muujiyaan taageeradda ay u hayaan kooxda oo iminka dhibtooneysa, badina la’ saddex kulan oo horyaalka ah.
Labadii kulan oo ugu danbeysay kooxda horyaalka guuldarro ayay kala soo laabatay, waxaana u danbeeyay kulankii Real Soceidad ay xalay 1-0 uga badisay.
Macallin Enrique ayaa qirtay inaysan horaan isa siin horyaalka uuna doonayo in taageerayaashu ismuujiyaan kulanka ay Axadda soo aadan horyaalka la dheeli doonaan Valencia.
“Axadda waxaan doonayaa in ciidda Catalonia ay na caawiso kulanka aan ka hortageyno Valencia. Weligeen ma aynaan oran inay sahlan tahay, in horyaalku uu dhankeena yahay iyo wax lamid ah.” Enrique ayaa sidaa ku yiri weriyaasha.
Habeenka Arbacada ayay kooxdan u safri doontaa Madrid, si lugta labaad ee Champions League ula soo dheesho kooxda Atletico Madrid.
