Heegan oo ku guuleysatay horyaalka kubadda koleyga Soomaaliya

Kooxda kubadda koleyga Heegan ayaa xagaagii labaad oo xiriir ah ku guuleysatay horyaalnimada kubadda koleyga.

Heegan ayaa hanashada horyaalka u dabaal degtay markii ay isqabteen kooxda booska labaad I.L.S iyo xiriirka kubadda koleyga.

I.L.S ayaa kulan muhiim ah la laheyd dhigeeda Dekedda, hayeeshee cayaarta lama dheelin oo saddexdii dhibcood waxaa faraqa loogu shubay kooxda Dekedda.

Taa ayaa ka dhigan in 13 kulan oo laga dheelay horyaalka ay Heegan guul wada gaartay, halka I.L.S ay 11 kulan guul gaartay, hal guuldarro iyo kulanka dhibcaha lagala laabtayna ay u dheeryihiin.

Heegan ayaana isku diyaarineysa in markii saddexaad oo xiriir ah ay xagaaga soo aadan loolan ugu gasho hanashada horyaalka kubadda koleyga.