Radio Himilo
Himilo – Weeraryahanka reer Argentina Lionel Messi ayaa ku guuleystay Ballon d’Or markiisii 7-aad, isagoo abaal-marinta ugu sarreysa ku garaacay weeraryahanka reer Poland ee Robert Lewandowski iyo xiddiga khadka dhexe ee Talyaaniga Jorginho.
Messi, oo ka soo dhaqaaqay Barcelona xagaagii kuna biiray Paris St Germain, ayaa sii xajistay abaalmarinta sharafta leh Isniintii, isagoo jabiyay rikoorkiisa gaarka ah ee 2019 markii uu ku guuleystay Ballon d’Or markii lixaad.
Ballon d’Or lama bixin sanadkii hore sababtoo ah masiibada COVID-19.
Messi ayaa bishii July kula guuleystay tartankii ugu horreeyay ee caalami ah Argentina, isagoo ka caawiyay xulka qaranka Brazil inay ka qaadaan koobka Copa America.
“Waa wax cajiib ah inaan halkan mar kale joogo. Laba sano ka hor waxaan moodayay inay ahayd markii ugu dambeysay. Ku guuleysiga Copa America waxay ahayd furaha,” Messi oo 34jir ah , ayaa yiri ka dib markii uu abaalmarinta ku qaatay Paris.
“Ku guuleysiga abaalmarinta qaaliga ah ee rikoorka markii toddobaad, weeraryahanka Paris Saint-Germain wuxuu sii wadaa inuu sameeyo taariikh,” kooxda kubadda cagta Faransiiska ayaa Twitter ku soo qortay guusha Messi.
Isagoo jira 34 sano iyo 159 maalmood, Lionel Messi wuxuu sidoo kale noqday ciyaaryahankii ugu da’da weynaa ee ku guuleysta abaalmarinta Ballon d’Or qarnigan. Fabio Cannavaro 2006dii iyo Luka Modric 2018 ayaa ahaa ku guulaysteyaashii ugu da’da weynaa ka hor Messi. Labaduba waxay ahaayeen 33 markii ay heleen billaddan.
Kaliya Sir Stanley Matthews ayaa ka sareeya Lionel Messi. Stanley Matthews, oo sidoo kale ahaa ku guuleystihii ugu horreeyay ee Ballon d’Or ayaa ku guuleystay isagoo jira 41 sano. Matthews tanina waxay ka caawisay inuu sii wado ciyaaraha heerka sare ilaa uu ka gaadhay 50!
Lionel Messi ayaa sidoo kale ah xiddiga saddexaad ee ugu da’da yar ee ku guulaysta abaal marinta Ballon d’Or taariikhda iyada oo ay ka horreeyaan kaliya Michael Owen iyo xiddiga reer Brazil ee Ronaldo.
Xiddiga reer Portugal ee Christiano Ronaldo ayaa galay kaalinta lixaad ee qiimaynta Ballon d’Or ee 2021.
Dhanka haweenka, Alexia Putellas ayaa ku guuleystay abaalmarinta Ballon d’Or markii ugu horeysay ka dib xilli ciyaareed heer sare ah oo ay la qaadatay Barcelona iyo Spain.
Waxay raacdaa wadadii Ada Hegerberg, oo ku guulaysatay abaal-marinta Ballon d’Or-ka haweenka ee 2018, iyo xiddigta Koobka Adduunka ee Maraykanka Megan Rapinoe, ku guulaysta 2019.
“Aad ayaan u qiireysanahay, waa waqti gaar ah,” Putellas ayaa ka tiri xafladii Paris iyadoo u maray turjumaan. “Waxaan jeclaan lahaa inaan ku bilaabo inaan u mahadceliyo dhammaan saaxiibadeyda kooxda, gaar ahaan saaxiibadeyda haatan (Barcelona). Aniga ahaan, waa guul wadareed.
Abaalmarinta Putellas waa markii ugu horreysay ee France Football ay weligeed sharaf siiso xubin ka tirsan kooxda haweenka Barcelona women’s team ayaa bayaan ku sheegtay.
Saaxiibteed Barcelona iyo Spain Jennifer Hermoso ayaa ku dhameysatay kaalinta labaad, iyadoo Sam Kerr oo Chelsea ah iyo Australia ay gashay kaalinta saddexaad.
Waxa ay dhamaystirtay abaal-marin labanlaab ah oo la siiyay Putellas, taasoo bishii Ogosto ururka kubbadda cagta Yurub ee UEFA u magacaabay ciyaartoyga sannadka.
Abaalmarinadii kale waxaa ka mid ahaa
Kooxda sanadka: Chelsea
Weeraryahankii sanadka: Robert Lewandowski
Yashin Trophy (Goolhayaha ugu fiican aduunka): Gianluigi Donnarumma
Kopa Trophy (ciyaaryahanka ugu fiican adduunka da’da 21 jir): Pedri
W.Q: Hanaa Maxamed Maxamuud
