Radio Himilo
Daafaca dhexe ee qaranka Jarmalka iyo kooxda kubadda cagta Arsenal Per Mertesacker ayaa doonaya inuu dib ugu soo laabto kooxda koowaad ee Gunners.
31 jirkaan ayaa kursiga keydka ku soo bilowday shan kulan oo kamid ah siddeedii kulan oo ugu danbeeyay oo Arsenal ay dheeshay, Iyadoo macallin Wenger uu u muuqday inuu daneynayo Gabriel Paulista inuu ka garab dheelsiiyo Laurent Koscielny.
Jariiradda Jarmalka ka soo baxda sport1.de. ayuu laacibkan u sheegay inuu iminka bedqabo oo uu taam u yahay dheelista saacado badan uuse arko inuu waqti ku qaadanayo kursiga keydka, isagoo xusay inuu dadaal u geli doono sidii uu u soo ceshan lahaa booskiisa joogtada ah ee kooxda.
Arsenal ayaa iminka 11 dhibcood ka hooseysa dhigooda Leicester City oo hogaanka heysa xilli toddobo kulan oo qura ay horyaalka ka harsan tahay.
