Radio Himilo
Himilo – Haweenka ku nool switzerland wixii hadda ka dambeeya looma oggolaan doono inay indho-shareer ku xirtaan goobaha dadweynaha ee gaadiidka.
Afti dadweyne oo la sameeyay ayay ku suuro gashay in la mamnuuco indho-shareerka iyo wax walba oo wejiga qofka dabooli kara oo uu ku jiro afsaabka.
51.2% dadweyniha reer switzerland waxay u codeeyeen mamnuucidda Niqaabka. Muslimiinta ku dhaqan dalka ayaa u arkay go’aan islaamka ka dhan ah.
Hindisaha sharcigan ayaa soo billowday sannadkii 2009 sida uu sheegay golaha muslimiinta Switzerland oo aad u canbaareeyay sharcigan cusub.
Dhawr dal oo ku yaalla yurub sida France, Belgium, Netherlands iyo Bulgaria ayaa horey u mamnuucay xirashada indho-shareerka. Tallooyinkan oo ay muslimiintu u arkaan islaamka nacayb ku sii kordhaya qaaraddaas.
