Thiago Silva oo heshiis kordhin u sameynaya kooxda Chelsea

Himilo – Thiago Silva ayaa lagu soo waramayaa inuu sii joogi doono Chelsea ugu yaraan xilli ciyaareed kale madaama labada dhinac ay ku heshiiyeen in qandaraaska la kordhiyo.

Halyeeygan daafaca dhexe, oo 37 jirsan doona dabayaaqadda sannadkaan, ayaa si bilaash ah ugu biiray Blues isagoo uga yimid Paris Saint-Germain bishii Ogoosto 2020.

Sida laga soo xigtay khabiirka suuqa kala iibsiga ee Fabrizio Romano, wadahadallo ayaa dhex maray ciyaaryahanka reer Brazil iyo Chelsea kaasi oo ku saabsan sidii loo sii dheereyn lahaa joogitaankiisa Stamford Bridge.

Romano ayaa sidoo kale sheegay in wadahadalada lala gelayo N’Golo Kante iyo Jorginho oo ku saabsan heshiis cusub ay dhawaan bilaabi doonaan.