Radio Himilo
Himilo -Dadka ku nool gobolada Togdheer, Sool iyo Sanaag ayaa wajahaya abaar daran oo daba-dheeraatay. Ilihii biyaha ayaa qallalay.
Xoolihii aasaaska u ahaa nolosha dadka ayaa u dhimanaya baad iyo biyo la’aan. Ilaa 60,00 oo neef ayaa dhintay, halka 120,000 oo kale ay ku jiraan xaalad liitada.
Waxaa jirta hubanti la’aan dhanka cunnada ka sii daraysa, halka 156,000 oo qof ay gudaha ku barakaceen.
In ka badan 55 kun oo qof ayaa u barakacay dalalka deriska, Waxaa la diiwaan galiyay carruur iyo dad waayeelo ah oo la tagay maaddaama hayaan dheer aysan geli Karin.
Dadkan ayaa si degdeg ah ugu baahan, biyo, cunno, hoy iyo ilaalin.
