Himilo – Imaatinka Joan Laporta ee madaxweynaha Barcelona waxaa la arkay xiddigo magac leh oo lala xiriirinayo inay u dhaqaaqi doonaan kooxda xagaagan midkoodna waa Georginio Wijnaldum, oo lagu soo waramayo inuu durbaba heshiis la galay.
Ciyaaryahanka khadka dhexe ee Liverpool ayaa qandaraaskiisu dhacayaa xagaagan, waxaana uu go’aansaday inuu ka tago kooxda ka dhisan Anfield.
Sida laga soo xigtay Sunday Times, Wijnaldum wuxuu heshiis hordhac ah la leeyahay Barcelona si uu ugu biiro heshiis xor ah.
30 jirkaan ayaa ku jiray liiska uu doonayo Ronald Koeman tan iyo muddo dheer ka hor doorashadii Laporta, laakiin isagoo weli qandaraas kula jira kooxda reer Catalonia ma awoodi karin inay u dhaqaaqdo isaga.
Dhibaatooyinka dhaqaale ee jira awgood waa daruuri in Barcelona ay ku qasbanaan doonto inay xagaagan u dhaqaaqdo, iyo in la fiiriyo xiddigo magac leh oo xor ah waa qeyb weyn oo ka mid ah.
Wijnaldum ma ahan ciyaaryahanka kaliya ee lala xiriirinayo inuu si bilaash ah ugu dhaqaaqayo Barcelona xagaagan, Eric Garcia ayaa sidoo kale qarka u saaran inuu yimaado Camp Nou.
