Radio Himilo
Himilo-Qiimaha Bitcoin ayaa gaaray ku dhawaad $90,000, iyadoo gaartay taariiqda heerkii ugu sareysay.
24-kii saac ee ugu dambeysay, qiimaha lacagta cryptocurrency-ga ugu weyn ee Bitcoin ayaa wuxuu ku kacay $80,800 wuxuuna gaaray heer sare oo ah $89,900.
Toddobaadkii hore waxay joogtay $70,000, waxayna kor u kacay ilaa 30% toddobaad kadib guushii Donald Trump.
Guusha Trump owgeed suuqa Cryptocurrency waxaa laga filayaa hormaro wanaagsan, Maadaama Trump uu balan qaaday in uu qiimeyn doono lacagta Digitalka.
‘Mareykan-ku waxa uu noqondoonaa mustaqbalka halka laga hago Crypto” ayuu yiri Trump intii uu ku godajiray ololaha doorashada.
Cabbirka suuqa ee Bitcoin ayaa dhowaan ahaa $1.77 tiriliyan, sida laga soo xigtay xogta Coinmarketcap, iyadoo 24-saac uu gaaray $136.3 bilyan.
Ethereum, oo ah cryptocurrency-ga labaad ee ugu weyn, wuxuu 24-kii saac ee ugu dambeeyay u dhexeeyey qiimo ah $3,130 illaa $3,390.
