Radio Himilo
Himilo – Kevin de Bruyne ayaa shaaca ka qaaday inay kaalin ku lug lahaayeen carruurtiisa go’aanka uu uga mid noqday kooxda Napoli ka dib dhamaadkii qandaraaskiisa kooxda Manchester City: ‘Waa marxalad muhiim u ah koritaankooda.’ ayuu yiri.
Xiddiga kooxda Napoli de Bruyne ayaa sheegay inuu weydiistay aragtidooda carruurtiisa ee ku saabsan u dhaqaaqista kooxda Napoli xagaagan. Xiddiga reer Belguim ayaa u dhaqaaqay Stadio Maradona si xor ah ka dib markii uu toban sano uu ku qaatay Manchester City.
“Waxay ahayd xulashada ugu fiican. Waxa jiray dalabyo badan, laakiin waxaan doortay horyaalnimada Talyaaniga,” ayuu De Bruyne u sheegay Corriere della Sera.
“Waxay ka ciyaaraan Champions League, Conte waa macalin qaali ah.Markaad da ‘yar tahay, adigu naftaada go’aan ayaad ka gaartaa, laakiin hadda waxaan weydiistay carruurtayda, kan ugu weyn waa 10 jir ; Waa marxalad muhiim u ah koritaankiisa. “. ayuu yiri De Bruyne .
De Bruyne ayaa shabaqa soo taabtay kulankiisii ugu horeysay ee Serie A sabtidii, isagoo gacan ka geystay guushii ay Napoli 2-0 ka gaartay Sassuolo.
Ciyaartooda xigta waxa ay ku qaabili doonaan Cagliari garoonka Stadio Maradona sabtida, 30-ka Ogosto.
