Radio Himilo
Himilo – Leeds United ayaa dhameystirtay saxiixa Noah Okafor oo ay kala soo wareegeen AC Milan maanta lacag dhan 21 milyan euros una dhiganta $ 24.5 milyan.
Kooxda Premier League ee dhawaan soo dalacday ayaa ku dhawaaqday in Okafor uu saxiixay qandaraas afar sano ah.
Ciyaaryahanka heerka caalami ee dalka Switzerland ayaa ah saxiixii sagaalaad ee Leeds ay sameyso tan iyo markii ay dib ugu soo laabatay Premier League, halkaasoo ay ku badisay kulankeedii ugu horeysay xilli ciyaareedka Isniintii, markaasoo ay la ciyaareen Everton.
Okafor – oo ka ciyaari kara labada garab ama weeraryahan dhexe – ayaa Milan ku biiray 2023 isaga oo kaga soo biiray Red Bull Salzburg adduun dhan 14 milyan oo Yuuro (ka dibna $15.5 milyan), isagoo qalinka ku duugay heshiis shan sano ah.
25-sano jirkaan waligiis ma uusan la kulmin awoodiisa Rossoneri, inkastoo uu ka soo baxay xilli ciyaareedkii hore, halkaasoo uu afar gool ka dhaliyay safarkii Asia ee Milan – oo ay ku jiraan labo gool oo uu ka dhaliyay Liverpool.
Amaah uu ugu biiray Leipzig bishii Janaayo ayaa burburay ka dib markii Okafor uu ku guuldareystay inuu tijaabada caafimaadka u maro, lakiin waxa uu amaah ugu biiray Napoli, isagoo ku guuleystay bilada horyaalka Seria A inkastoo kaliya uu ciyaaray 36 daqiiqo afar kulan.
