Radio Himilo
Himilo – Newcastle ayaa wadahadalo kula jirta weeraryahanka Wolves Jorgen Strand Larsen iyagoo isku dayaya inay la soo wareegaan bedelka Alexander Isak. Weeraryahanka Swedishka ah ayaa weli ka maqan kooxda Magpies ka dib markii uu codsaday inuu ka tago kooxda.
Wali wax tababar ah lama uusan samayn asxaabtiisa kooxda koowaad, halka uusan ciyaarin kulankii furitaanka Premier League ee Newcastle ee ay la ciyaareen Aston Villa. Liverpool ayaa weli xiiseyneysa laakiin weli wax heshiis ah lama gaarin Newcastle.
Iyadoo xaaladaas ay socoto, kooxda Eddie Howe ayaa raadineysa bedelka suurtagalka ah waxayna u aqoonsadeen weeraryahan Premier League ka dheela. Sida laga soo xigtay The Athletic, weeraryahanka Wolves Strand Larsen ayaa laga xiiseynayaa dhanka Waqooyi Bari.
Strand Larsen, oo 25 jir ah, ayaa xagaagii hore amaah kaga soo biiray kooxda Celta Vigo, ka dib 14 gool oo uu dhaliyay ololihiisii ugu horeeyay, waxa ay si joogto ah kula soo wareegeen lacag dhan 30 milyan oo euro. Waxa uu qalinka ku duugay heshiis shan sano ah oo uu kula sii joogayo Molineux.
