Radio Himilo
Boqorad shinni ah ayaa dabin uu ku noqday gaari 4×4 oo ay ka heshay soo jiidasho la tuhunsan yahay inay macmacaan ahaayeen, wayse awoodi weysay inay gaari kasoo baxdo.
In ka badan 20,000 oo shinni ah ayaana eryanay gaariga ay boqoradoodu ku jirto muddo 48 saacadood ah.
Gaariga oo noociisu ahaa silver Mitsubishi ayaa la isugu yeeray ilaa shan nin oo quburo ku ah Shinida wayse awoodi waayeen inay ogaadaan dhibta jirta ee shinida ku qasabtay inay gaarigaa weerar joogto ah ku heyso.
Roger Burns oo ka tirsan kooxda xanaaneysa shinnida ayaa sheegay in boqoradda shinida ah ay dabin ku gashay qeybta danbe ee gaariga ayna awoodi weysay inay kasoo baxdo gaariga.
Roger oo ah Takhtar howlgab noqday ayaa ka shaqeynayay arrimaha shinnida muddo 30 sanadood ah, isagoo xusay inay caado tahay in ay raacaan shinnidu boqoradda, hayeeshee in labo maallin ay daba socdaan boqoradda oo dabin ku jirta ayaa isaga ka yaabisay.
