Antonio Rudiger kooxdee u qorshaysan inuu ku biiro?

Himilo – Daafaca dhexe ee Chelsea Antonio Rudiger ayaa lagu eedeeyay inuu doonayo inuu la hadlo tababaraha cusub ee Manchester United ka hor inta uusan go’aan ka gaarin u dhaqaaqista Old Trafford.

Qandaraaska Rudiger ee Stamford Bridge ayaa ku eg dhamaadka bisha June, xiddiga heerka caalami ee dalka Jarmalka ayaa weli si weyn loola xiriirinayaa inuu ka tagayo Stamford Bridge.

Man United ayaa la rumeysan yahay inay ka mid tahay kooxaha isha ku haya 29 jirkaan. Red Devils ayaa ku guda jirta magacaabista tababare cusub, iyadoo Erik Ten Hag oo ka tirsan Ajax uu ka mid yahay.

Rudiger, waxaa sidoo kale lala xiriirinayaa Juventus, Real Madrid iyo PSG, ayaa dhaliyay seddex gool, waxaana loo diiwangeliyay afar caawin 42 kulan oo uu u saftay Chelsea xilli ciyaareedkii 2021-22.