Radio Himilo
Himilo – Weeraryahanka Borussia Dortmund Erling Braut Haaland ayaa lagu soo warramayaa inuu doonayo inuu ku biiro Barcelona marka uu furmo suuqa kala iibsiga.
21 jirkaan ayaa lagu wadaa inuu noqdo mid ka mid ah weeraryahanada loogu doonista badan yahay Yurub. Qandaraaskiisa waxaa lagu burburin karaa €75m (£62.5m).
Si kastaba ha ahaatee, Sport ayaa werrineysa in Haaland lagu sasabay mashruuca ay fulisay kooxda reer Catalan, kuwaas oo diiradda saaraya ciyaartoyda da’da yar mustaqbalka.
In kasta oo ay dhawaanahan la halgamayeen dhaqaale, Barcelona ayaa aaminsan inay heli doonto dhaqaalaha ay kula soo saxiixan karto Haaland.
Haaland, oo sidoo kale lala xiriirinayo Real Madrid, ayaa dhaliyay 80 gool 79 kulan oo uu u saftay Dortmund tartamada oo dhan.
