Radio Himilo
Himilo – Haweeney reer Urdun ah ayaa saabuun ka soo saarta caanaha geela, taas oo ka mid ah waxyaabaha ugu caansan ee ay isticmaalaan dadka reer Urdun.
Lara El-Titi waxay tilmaamtay in faa’iidooyinka badan ee caanaha geela ay ku hoggaamisay inay u doorato inuu yahay maaddada ugu weyn ee saabuunta ku jirta.
Iyadoo sharraxeysa inay ka kooban tahay fiitamiin C seddex jeer ka badan caanaha lo’da, sida ay sheegtay hay’adda cuntada iyo beeraha (FAO) ee Qaramada Midoobay.
Waxay bilowday Lara inay guriga ku sameyso saabuunteeda, taas oo ay ugu magac dartay “Aromatic Lol”, ka hor intaanay ku ballaarin aqoon isweydaarsi madax-bannaan oo ay markii dambe aasaastay.
Waxay xaqiijisay “in tijaabadeeda caanaha geela ee ay ka farsameyso Saabuunka uu yahay kii ugu horreeyay noociisa ee lagu soo bandhigo gudaha dalka Urdun,.
In kasta oo caanaha geela ay adag tahay in la helo, haddana uma sahlana sida caanaha lo’da oo kale, ayay hadalkeeda raacisay.
Baahida weyn ee loo qabo wax soo saarka ayaa dhiirrigelisay gabagabada qandaraasyada wax soo saarka ee warshadaha ku baahsan Boqortooyada Jordan.
Lara waxay hadda soo saartaa qiyaastii afar kun oo saabuun ah bishii, kuwaas oo loo suuqgeeyo gudaha Urdun iyo waddamo ka baxsan.
