Radio Himilo
Himilo – Iyadoo koobka qaramada Afrika uu qarka inoo saaran yahay, kooxaha Premier League ayaa isku diyaarinaya January aad u adag.
Tartanka, oo lagu qabanayo Cameroon, ayaa markii hore loo qorsheeyay in la qabto inta u dhaxaysa June iyo Luly, si kastaba ha ahaatee cudurka Coronavirus ayaa ku qasbay in dib loo dhigo Janaayo 2022.
Qaar badan oo ka mid ah xiddigaha ugu fiican Premier League, oo ay ku jiraan xiddiga Liverpool Mohamed Salah, kan Arsenal Pierre Emerick Aubameyang, iyo Edouard Mendy ee Chelsea, ayaa u duuli doona Cameroon si ay uga qaybgalaan tartanka furmaya 9ka Janaayo.
Ilaa afar todobaad oo horyaalka Premier League ah ayaa la filayaa in ay ka dhacaan tartanka,Ka maqnaanshiyaha horyaalka xiddigo badan oo Afrikaan ah ayaa saameyn weyn ku yeelan kara.
Daily Star Sport ayaa soo qaadatay kooxaha Premier League ee dhibka ugu badan kala kulmi doona AFCON bisha Janaayo.
Kooxaha loogu yeero lixda waa weyn, Arsenal ayaa waayi doonta ciyaartoyda ugu waa weyn marka uu tartanku furmo.
Kabtanka kooxda Aubameyang iyo khadka dhexe ee Thomas Partey ayaa ah ciyaartoyda ugu caansan ee ka maqnaan doona kooxda Mikel Arteta maadaama ay u badan tahay inay matali doonaan Gabon iyo Ghana siday u kala horreeyaan.
Dhanka kale, Nicolas Pepe ayaa ka ciyaari doona garabka midig ee Ivory Coast, halka Mohamed Elneny ay u badan tahay inay Masar u yeerto.
Si kastaba ha ahaatee, Liverpool ayaa la odhan karaa waxay dareemi doontaa saamaynta ugu badan ee tartankan iyada oo ay ka maqnaan doonaan labadeeda gool dhaliye ee ugu muhiimsan ee Mohamed Salah iyo Sadio Mane iyo waliba xiddiga khadka dhexe ee xulka qaranka Guinea ee Naby Keita.
Salah ayaa haatan si xamaasad leh ugu socda tartanka kabta dahabka ah ee Premier League isagoo dhaliyay 11 gool iyo lix caawin 11 kulan oo uu saftay, waxaana maqnaanshihiisa la dareemi doonaa marka uu tago kabtanka Masar.
Mane ayaa sidoo kale noqon doona mid aad loo tabi doona maadaama xiddiga reer Senegal uu ka qayb qaatay lix gool oo Premier League ah kooxda Jurgen Klopp xilli ciyaareedkan.
Si wada jir ah waxa ay uga qayb qaateen 23 ka mid ah 31 gool ee ay Liverpool dhalisay xilli ciyaareedkan horyaalka, taageerayaasha Reds waxa dhaawacaysa. maqnaanshahooda.
Chelsea ayaa sidoo kale dhibtoon karta inta lagu jiro bilaha AFCON, maadaama goolhaye Mendy uu ka maqnaan doono, taasoo la micno ah in Kepa Arrizabalaga uu ku xigeen ka noqon doono.
Hakim Ziyech ayaa sidoo kale ka maqnaan doona kooxda Thomas Tuchel, maadaama ay u badan tahay inuu qeyb weyn ka noqon doono tartanka Morocco.
Aljeeriya oo difaacaneysa koobkaan waxaa hoggaamin doona xiddiga kooxda heysata horyaalka Premier League, iyadoo Riyad Mahrez uu noqon doono kabtanka kooxda Djamel Belmadi.
Xiddiga Manchester City ayaa noqon doona ninka kaliya ee Pep Guardiola ka maqnaan doona inta lagu jiro tartanka.
Eric Bailly iyo Amad Diallo ayaa labaduba ka maqnaan doona Manchester United, iyadoo labada xiddig ay u badan tahay in loo xulan doono Ivory Coast.
Tottenham Hotspur ayaa ah kooxda keliya ee ku jirta ‘Big Six’ ee aan saameyn doonin tartanka, maadaama mid ka mid ah ciyaartoydooda uusan qeyb ka noqon doonin tartanka – tani waxay qeyb weyn ku noqon kartaa fursadda ay ku dhameysan karaan afarta sare.
Si kastaba ha ahaatee, Watford ayaa ah kooxda sida xun u saameyn doonto AFCON.
Kooxda Claudio Ranieri ayaa weyn doonta ciyaartoyda kooxda koowaad ee Peter Etebo (Nigeria), William Troost-Ekong (Nigeria), Adam Masina (Morocco), Ismaila Sarr (Senegal), iyo Emmanual Dennis (Nigeria).
Maqnaanshahooda Vicarage Road waxay noqon kartaa mid aad u muhiim ah Hornets kuwaas oo u dagaallamaya inay ka fogaadaan inay dib ugu noqdaan heerka labaad muddo saddex sano ah.
Crystal Palace ayaa sidoo kale si weyn u dareemi doonta saameynta tartankan, maadaama ay ka maqnaan doonaan Cheikhou Kouyate (Senegal), Jeffrey Schlupp (Ghana), iyo Jordan Ayew (Ghana).
Kooxda Patrick Vieira ayaa sidoo kale loo badinayaa inay weyn doonto xiddiga garabka ka ciyaara ee Wilfried Zaha, si kastaba ha ahaatee, ka qayb galka tartanka waxaa shaki galiyay maamulaha Ivory Coast Patrice Beaumelle, kaasoo sheegay in 28-sano jirkaan “uu doonayo inuu dib u milicsado inta ka hartay xirfadiisa caalamiga ah” sababtoo ah “wuxuu guriga yimaadaa isagoo buko kulan kasta ka dib.”
