Radio Himilo
Himilo – Lacagta ay koox kasta oo Premier League ah u ogolaan doonto in ay ku kharash garayso suuqa January ee kala iibsiga ee ku salaysan sharciga Financial Fair Play ayaa la shaaciyay.
Kooxaha heerka sare ee Ingiriiska ayaa suuqa xagaaga ku qarash gareeyay in ka badan 1 bilyan ginni, waana inta badan horyaalada Yurub, maadaama ay ka faa’iideysteen heshiisyada xuquuqda ee TV-ga.
Iyadoo Sanduuqa Maalgelinta Dadweynaha ee Saudi Arabia uu la wareegay Newcastle bishii Oktoobar, Magpies waxay noqon doontaa mid ka mid ah naadiyada badan ee raadinaya inay lacag badan ku qaataan daaqada jiilaalka.
Kooxaha labada daraf ee miiska kala saraynta ayaa hubaal ah inay isku dayi doonaan inay kooxahooda ku xoojiyaan suuqa kala iibsiga, iyadoo Koobka Qaramada Afrika uu sidoo kale saameyn ku yeelan karo.
Tik Tok account club_app ayaa soo saaray inta ay le’eg tahay koox kasta oo Premier League ah ee loo ogolaan doonaa inay kharash gareeyaan sharciga Financial Fair Play, in kasta oo naadigu aanay lacagtaas ku haysan bangiga.
Lama oga in sharciyadan laga soo qaatay UEFA iyo in horyaalka laftiisa laga soo qaatay, iyadoo labadan ay leeyihiin hagitaano kala duwan.
Sida uu dhigayo sharciga UEFA, kooxuhu waxay qarashgarayn karaan ilaa 3.9 milyan ginni in ka badan inta ay helaan saddexdii sanaba ee qiimaynta, inkasta oo kaliya khasaaraha 35 milyan ginni la ogolaan doono wakhtigaas.
Dhanka kale, sida uu dhigayo sharciga Premier League, kaliya khasaaraha 105 milyan ginni lama ogolaan doono saddexdii sanaba, iyada oo aan la xadidin kharash bixinta.
Club_app ayaa ka shaqeeyay in Everton ay haysato miisaaniyad suuqa kala iibsiga ah oo ah 0 milyan ginni sida uu qabo sharciga FFP, taasoo laga yaabo inay ku xaddiddo amaahda iyo lacag-la’aanta tababaraha ku dhibtoonaya Rafa Benitez.
Aston Villa iyo Southampton ayaa leh miisaaniyada ugu hooseysa ee soo socota, 5 milyan iyo 37 milyan ginni siday u kala horreeyaan, halka Watford loo ogolaan doono inay qarash gareyso 60 milyan ginni.
Patrick Vieira ayaa loo ogolaan doonaa lacag dhan £66m marka uu joogo Crystal Palace, iyadoo tababaraha Wolves Bruno Lage loo ogol yahay inuu haysto 70 milyan ginni.
West Ham ayaa ku xigta iyadoo loo ogol yahay 71 milyan ginni, iyadoo David Moyes uu suuqa ugu jiro weeraryahan cusub, halka Leicester City ay wax yar uun kaga horreeyaan 79 milyan ginni.
Hogaamiyayaasha Horyaalka ee Manchester City iyo Brighton ayaa kusoo koobay 10-ka miisaaniyad ee ugu hooseeya ee la ogolyahay £84m iyo £85m siday u kala horreeyaan.
Brentford iyo Norwich oo dhawaan soo dalacay ayaa soo galay 10-ka ugu waaweyn ee loo ogolyahay £88m iyo £92m.
Marcelo Bielsa ayaa loo ogolaan doonaa miisaaniyad dhan 99 milyan ginni si loo sugo badbaadada Leeds, isagoo si weyn ugu boodbooda kooxda ay isku halganka yihiin ee Newcastle, kuwaas oo ay noqon doonto ilaa 166 milyan ginni.
Suurtagalnimada in miisaaniyadahaan ay noqdaan kuwo sax ah ayaa lagu muujiyay tirada Burnley oo ah £ 171m, oo ah tiro aysan iska bixin karin.
Arsenal iyo Manchester United ayaa loo ogolaan doonaa 201 milyan ginni iyo 243 milyan ginni si ay ugu xoojiyaan kooxahooda dagaalka ay ugu jiraan afarta sare.
Kooxaha ku loolamaya horyaalka Premier League ee Chelsea iyo Liverpool ayaa loo ogolaan doonaa inay qarash gareeyaan £241m iyo 273 milyan ginni, laakiin ilaa hadda miisaaniyada ugu badan ayaa loo gacan gelin doonaa Tottenham oo qarash gareyn karta 400 milyan ginni.
Naadi kasta oo Premier League ah miisaaniyadeeda sida waafaqsan xeerarka FFP
Everton – £0m
Aston Villa – £5m
Southampton – £37m
Watford – £60m
Crystal Palace – £66m
Wolves – £70m
West Ham – £71m
Leicester City – £79m
Manchester City – £84m
Brighton – £85m
Brentford – £88m
Norwich City – £92m
Leeds United – £99m
Newcastle United – £166m
Burnley – £171m
Arsenal – £201m
Chelsea – £241m
Manchester United – £243m
Liverpool – £273m
Tottenham Hotspur – £400m
W/Q: Hanaa Maxamed Maxamuud
