Radio Himilo
Himilo – Chelsea ayaa la sheegay inay go’aan rasmi ah ka gaartay mustaqbalka tababare Enzo Maresca, iyadoo aysan qorsheynin inay xilka ka qaaddo xilli ciyaareedkan dhamaadkiisa, xaalad kasta oo uu ku idlaado.
Maresca oo Stamford Bridge yimid xagaagii hore kadib guulo uu ka keenay Leicester City, ayaa kooxda ku hogaamiyay 32 guulood 54 kulan gudaheed, iyagoo wali fursad u leh inay galaan Champions League iyo finalka Conference League oo ay la ciyaarayaan Real Betis.
Si kastaba ha ahaatee, dhaleecayn ayaa ka timid taageerayaasha Chelsea oo ka cawday qaabka ciyaarta iyo 13 guuldarro oo kooxda soo gaartay.
Warbixin cusub oo ka timid The Telegraph ayaa sheegtay in maamulka Chelsea aysan qorsheynin inay ceyriyaan Maresca, xitaa haddii aysan kooxda xaqiijin Champions League ama aysan ku guuleysan tartanka Yurub.
Waxaa lagu talo jiraa in Maresca la siiyo ugu yaraan labo xilli ciyaareed oo buuxa si loo qiimeeyo natiijooyinka rasmiga ah ee uu la gaaro kooxda.
In kasta oo guul-darro kale xilli ciyaareedkan loo tixgelin doono niyad jab, taageerayaashu kama leexinayaan qorshaha maamulka, maadaama kooxda wali la horumarinayo, islamarkaana ay gacanta ku hayaan ciyaartooy da’yar ah oo ay ka mid yihiin Andrey Santos iyo Estevao Willian kuwaasoo la filayo inay door muhiim ah ka ciyaaraan xilli ciyaareedka 2025-26.
