Liverpool oo dooneysa inay 80 milyan oo ginni ka macaashto iibka ciyaartoy xagaagan

Himilo – Liverpool ayaa iska iibinayso ilaa siddeed ciyaaryahan xagaagan si ay u soo xareeyaan £ 80m.

Reds ayaa billawday ganacsigooda kala iibsiga jimcihii iyaga oo keenay daafaca dhexe ee Ibrahima Konate oo ay kala soo wareegeen RB Leipzig lacag dhan 36m.

Imaatinno badan ayaa la filayaa Anfield labada bilood ee soo socota, laakiin taasi waxay suurtagal noqon kartaa oo keliya haddii lacag lagu keeno iibinta ciyaartoy aan loo baahnayn.

Sida laga soo xigtay Liverpool Echo, ciyaartoyda sida Xherdan Shaqiri iyo Divock Origi ayaa labadoodaba laga yaabaa inay baxaan, iyadoo Reds ay labada nin ku qiimeyso midkiiba 15 milyan ginni.

Marko Grujic, Harry Wilson iyo Takumi Minamino, oo dhammaantood amaah ku qaatay  2020-21, ayaa sidoo kale la sheegayaa inay iibinayaan.

Liiska marka laga hadlayo dhanka qiimaha waxaa  kaloo ku jira Taiwo Awoniyi iyo Loris Karius, halka Ben Woodburn uu yahay mid kale oo uusan dooneyn Jurgen Klopp.

Liverpool ayaa horay u macsalaameysay hal ciyaaryahan usbuucii la soo dhaafay, iyadoo Georginio Wijnaldum uu si xor ah uga tagay.