Radio Himilo
Himilo – Xiriirka Mauricio Pochettino iyo Paris Saint-Germain ayaa ku dhow inuu burburo, sida lagu sheegay warbixin.
Tababarihii hore ee Tottenham Hotspur ayaa markii hore la wareegay kooxda Faransiiska ka dib markii Thomas Tuchel uu ka tagay bishii Janaayo 2021 si uu u qabto shaqada Chelsea, tan iyo xilligaasna kooxdu waxay ku guuleysatay laba koob oo maxalli ah.
Haatan, PSG ayaa hoggaanka u haysa horyaalka Ligue 1, iyadoo 13 dhibcood ay u dhaxayso iyaga iyo Marseille, halka ay sidoo kale ay ka soo gudbeen heerkii kooxaha ee Champions League.
Sida laga soo xigtay GOAL, xiriirka Pochettino iyo PSG ayaa haatan ku dhow inuu burburo, mustaqbalkiisa kooxdana lama hubo, iyadoo Manchester United ay isha ku heyso inuu noqdo macalinkooda joogtada ah.
Waxyaabaha u dhexeeya 49-jirka iyo maamulka ayaa noqday kuwo cidhiidhi ku jira kuwaas oo hoos u dhigaya suuqa kala iibsiga, maadaama loo diiday inuu iibiyo dhawr ciyaartoy oo kooxda koowaad ah intii lagu jiray xagaaga.
