Radio Himilo
Himilo – Fasaxii caalamiga ee bisha November ayaa isbeddelo badan oo maamuleed lagu arkay Premier League iyadoo Aston Villa, Norwich City iyo Newcastle United ay noqdeen naadiyadii ugu dambeeyay ee magacaabay tababarayaal cusub kadib Tottenham iyo Watford, laakiin waa kuwee magacaabista la sameeyay bartamaha xilli ciyaareedka ee ugu guulaha badan?
Waxaanu eegaynaa 12-kii macallin ee u dambeeyay ee bartamaha xilli-ciyaareedka la magacaabay. Keliya kuwa sida joogtada ah loo magacaabay ayaan eegeynaa.
12) Jan Siewert, Huddersfield
Siewert ayaa ku hoggaamiyay Terriers keliya hal guul todobadii bilood ee uu maamulayay wuxuuna horseeday dib ugu laabashada heerka labaad ee Championship 2019, isagoo beddelay David Wagner.
Jarmalka ayaa la wareegay bishii Janaayo ee xilli ciyaareedkaas ka dib bixitaankii Wagner, laakiin guul 1-0 ayuu kaga badiyay Wolves kulankiisii ugu horreeyay.
laakiin masiirkiisa ayaa la xidhay horraantii ololaha 2019-20 Championship isagoo hal dhibic ka helay saddex kulan oo horyaalka ah.
11) Quique Sanchez Flores, Watford
Muddadii Sanchez Flores ee Hornets ayaa xitaa ka gaaban Siewert, isagoo badiyay keliya hal kulan 10-kii kulan ee uu hoggaaminayay.
Waxa uu beddelay Javi Gracia bishii Sebtembar ee ololaha 2019-20 laakiin guushiisa keliya ee uu gaaray ayaa ahayd tii Norwich City.
Sanchez Flores – oo ku jiray shaqadiisii labaad ee maamulaha Vicarage – ka dib waxaa beddelay Nigel Pearson bishii Decembar.
10) Nigel Pearson, Watford
Kooxda The Hornets ayaa qaadatay go’aan la yaab leh oo ay ku ceyrisay Pearson iyadoo ay ka harsan yihiin labo kulan xilli ciyaareedka 2019/20, iyadoo kooxda ay saddex dhibcood ka sarreyso booska hoos u dhaca – iyadoo markii dambe kooxdu ay u dhacday heerka labaad.
Pearson wuxuu badiyay todobo kulan oo Premier League ah – oo ay ku jiraan 3-0 ay ku garaaceen kooxda heysata horyaalka ee Liverpool
Ka dib markii ay heleen 25 dhibcood 20 kulan oo horyaalka ah intii uu joogay Pearson, Watford ayaa laga badiyay kulamadeedii ugu dambeeyay ee horyaalka ee Manchester City iyo Arsenal.
9) Sam Allardyce, West Brom
Waxaa loo magacaabay Decembar 2019 si uu u beddelo Slaven Bilic, Allardyce wuxuu dhaxlay koox hal guul ah gaartay xilli ciyaareedkii oo dhan oo wajahay dagaal sare si loo sugo badbaadada.
Lix kulan ayay ku qaadatay Allardyce si uu u xaqiijiyo guushiisii ugu horaysay – inkasta oo ay ahayd mid macaan, isagoo 3-2 kaga badiyay dariska Wolves.
Si kastaba ha ahaatee, taasi waxay ahayd mid ka mid ah afar guul oo ay gaareen kooxda Allardyce – oo ay ku jirto 5-2 ay kaga badiyeen Chelsea – iyadoo lagu xukumay inay u laabato heerka labaad iyadoo tababarihii hore ee England uu baxay.
8) Jose Mourinho, Tottenham
Mourinho ayaa shaqada Spurs laga ceyriyay keliya 17 bilood ka dib markii uu bedelay Mauricio Pochettino bishii November 2019 isagoo ku guuldareystay inuu kor u qaado kooxda.
Burtuqiisku waxa uu ku bilaabay waayihiisa Tottenham guulo xidhiidh ah ka hor inta ayna kooxdiisii hore ee Manchester United ku xukumin guuldaradii ugu horraysay.
Spurs ayaa 6-1 kaga badisay Old Trafford horraantii xilli ciyaareedkii xigay, waxayna hoggaanka Premier League haysay bishii Decembar, ka hor intaysan taayirrada ka banjarin.
Mourinho waxa uu ku dhameystay kaalinta lixaad ololihiisii ugu horreeyay ka hor inta uusan ka tagin kooxda bishii April 2021 iyadoo kooxdu ay ku jirto kaalinta todobaad.
7) Scott Parker, Fulham
Ciyaaryahankii hore ee khadka dhexe ee England ayaa la wareegay Fulham bishii Febraayo 2019, waxaana uu awoodi waayay inuu joojiyo dib ugu laabashada heerka labaad ee Championship.
Parker waxa uu kooxda Galbeedka London ku hoggaamiyay in ay u soo gudbaan isreeb-reebka – oo ay ka gaareen deriskooda Brentford – sannadkii xigay, ka hor intaysan dib u dhicin markale ololihii xigay.
Fulham ayaa guulo cajiib ah ku gaadhay meel ka baxsan garoonkeeda sida Leicester, Everton iyo Liverpool laakiin keliya shan guulood oo Premier Leaque ah ayay xili ciyaareedka oo dhan soo gaadheen, 13 barbaro ayay galeen.
6) Mikel Arteta, Arsenal
Arteta ayaa loo magacaabay inuu noqdo tababaraha Gunners -ka dib markii tababaraha ku meel gaarka ah Freddie Ljungbjerg uu beddelay Unai Emery bishii Decembar 2019.
Ku guuleysiga FA Cup ololihiisii ugu horreeyay wuxuu ahaa mid cajiib ah, laakiin Gunners ayaa u adkeysaneysay qaab ciyaareed aan liidan ilaa waqtigaas. laakiin seegista kubbadda cagta Yurub markii ugu horreysay muddo 25 sano ah waxay ahayd guuldarro weyn.
5) Carlo Ancelotti, Everton
Ancelotti waxa aad u jeclaa taageerayaasha Everton ka dib markii la magacaabay Decembar 2019, isagoo ka beddelay Marco Silva Goodison Park.
Tababaraha reer Talyaani ayaa Everton ka dhigay keliya kaalinta 12aad iyo 10aad laba xilli ciyaareed oo isku dhaafsan, inkastoo ay jireen guulo la taaban karo waqtigaas.
Toffees ayaa xaqiijistay guushoodii ugu horeysay ee Anfield ee Premier League in ka badan 20 sano horraantii sanadkan halka Richarlison iyo Dominic Calvert-Lewin ay sameeyeen iskaashi weyn oo dhanka weerarka ah.
Waxaa jiray dareen ah inay jiraan wax badan oo kale oo ka imaan kara Ancelotti, laakiin Real Madrid ayaa xagaagii u yeedhay oo ay ku beddelayso Zinedine Zidane.
4) Ole Gunnar Solskjaer, Man Utd
Solskjaer ayaa loo magacaabay Manchester United bishii Decembar 2018, isagoo ku jira booska lixaad.
Mourinho ayaa ka tagay koox niyad jabsan, laakiin Solskjaer – oo markii hore loo magacaabay si ku meel gaar ah – wuxuu badiyay 14 ka mid ah 19-kii kulan ee uu hoggaanka u qabtay ka hor magacaabistiisa joogtada ah horraantii 2019.
Solskjaer ayaa Man United ku hoggaamiyay wareega 8-aad ee champions League isaga oo guul cajiib ah ka gaadhay kooxda PSG, ka dibna u gaaray Semi-finalka iyo finalka Europe League.
Labadii xilli ciyaareed ee uu ku sugnaa Old Trafford waxa uu arkay kaalinta saddexaad iyo labaad oo cajiib ah, laakiin qaab ciyaareedkiisa ayaa hoos u dhacay bilihii la soo dhaafay inkasta oo maalgashi weyn la sameeyay.
3) Brendan Rodgers, Leicester
Isagoo Celtic ku hoggaamiyay dhamaan todobada koob ee maxaliga ah ee la heli karo intii uu joogay Glasgow, Rodgers ayaa ogolaaday inuu ku biiro Leicester Febraayo 2019 si uu u beddelo Claude Puel.
Macallinka reer Northern Ireland waxa uu Foxes kula guuleystay FA Cup-ka iyo Community Shield xilli ciyaareedkaas ka dib markii uu waayay afarta sare ee Premier League maalintii ugu dambeysay laba olole oo xiriir ah.
2) David Moyes, West Ham
Ma jiro tababare ku riyaaqay isbeddel xagga naadi iyo sumcadda si la mid ah David Moyes muddooyinkii u dambeeyay.
Ka dib xaalad musiibo ah oo uu ku soo qaatay Man United, Real Sociedad iyo Sunderland, wuxuu West Ham ku hoggaamiyay inay badbaado ololihii 2017-18 laakiin qandaraaskiisa lama cusbooneysiinin.
Waxa uu ku soo laabtay 18 bilood ka dib Decembar 2019 qandaraas 18 bilood ah in kasta oo uu ku dhammeystay keliya booska16-aad xilli-ciyaareedkaas .
Hammers ayaa ku dhameysatay kaalinta lixaad xilli ciyaareedkii hore iyagoo heysta rikoorka dhibcaha naadiga oo wadarta guud ahayd 65 2020-21, kooxda ayaa mar kale ku duulaysa heer sare xilli ciyaareedkan – oo ay ku jirto dib ugu soo laabashada kubada cagta Yurub. Waxay garaaceen Manchester United, Manchester City iyo Liverpool xilli ciyaareedkan.
1) Thomas Tuchel, Chelsea
Tuchel ayaa loo magacaabay Stamford Bridge bishii Janaayo ee sanadkan ka dib markii Frank Lampard uu ka tagay kooxda isagoo ku jira booska sagaalaad ee kala sarreynta.
Natiijooyinka horyaalku waxay markii hore ahaayeen kuwo joogto ah laakiin ma ahayn kuwo cajiib ah, iyadoo kooxdu ay meesha ka saartay afarta sare ee ugu sarreysa inkastoo guuldarro ay ka soo gaartay Aston Villa maalintii ugu dambeysay, oo ay weheliso guuldaradii finalka FA Cup ee Leicester City.
Marka la joogo Yurub, Blues waxay ahaayeen kuwa heer sare ah, Tuchel ayaana ku hogGaamiyay inay qaadaan koobkoodii labaad ee abid Champions League, waxaana ay haatan Chelsea hogGaanka u haysaa marxaladihii hore ee ololaha Premier League.
Meesha 1aad ee uu kaga jiro darajadan runtii waa in aan laga doodin.
W/Q: Hanaa Maxamed Maxamuud
