Dadka u dhinta qar iska tuurnimada sawirrada Selfiga ayaa ka badan dhibanayaasha weerarada yaxaaska

Himilo – Natiijadda ra’yi uruurin laga sameeyay sawirrada Selfiga oo ay sameysay shirkad ayaa tilmaamtay in 40% dadka ka qeyb galay inay naftooda u bandhigeen khataro inta ay iska qaadayeen sawirro qurxoon.

Wargeyska New York Post ayaa qoray in khubarada shirkada wareysteen 2023 qofood oo galay xaalado khatar ah oo ay isaga qaadayeen sawirrada Selfiga.

Kala bar dadka ka qeyb galay ra’yi uruurinta ayaa sheegay inay diyaar u yihiin inay sameeyaan qar iska tuurnimo si ay u helaan sawir qurux badan.

11% dadka la wareystay ayaa xusay inay dhaawacyo soo gaareen iyaga oo iska qaadaya sawirrada Selfiga. Waxaa ku jiray dadka ka soo dhacay buuro iyo baaskiil.

Bishii Maarso ee tagtay, haweenay dalxiis ku ahayd gobalka Arizona ee Mareykanka ayaa la kulantay weerar yaxaas iyada oo galaysa sawir Selfi ah balse si layaab leh ayay ku badbaaday.

Goor sii horreysay, majaladda caafimaadka qoyska ee Hindiya ayaa shaacisay in 259 qofood dhinteen iyaga oo iska qaadaya sawirro Selfi ah intii u dhaxaysay 2011 illaa 2017 caalamka oo dhan. Waa tiro ka badan inta u dhimatay weerarada yaxaaska ee isla xilligaasi.